.അവളുടെയും അവന്റെയും തിരനോട്ടത്തിന്റെ
കാണികളാണ് ഇഷ്ടത്തിന്റെ ആ ശബ്ദമുണ്ടാക്കുന്നത്;
അവരുടെ പന്തടക്കത്തിന്റെ കാണികളാണ്
ആര്ത്തു വിളിച്ച് തമ്മില്ത്തല്ലുന്നത്;
നേതാവിന്റെ കാണികളാണ്
ആ പിന് ചെല്ലുന്നത്;
മിക്കപേര്ക്കും അങ്ങനെ കാണികളുണ്ട്
എന്നാല് പിന് നിരയില്,
സ്വന്തമായി ഒരു കാണി പോലുമില്ലാത്ത,
വെറും കാണികള്
മാത്രമായ എത്രയോ പേരാണ്.
ആ പാവം കാണികളുടെ ദൈന്യം
കണ്ണീരു പുരട്ടിയ ഒരു പിടി ചോറായി
തൊണ്ടയില് തന്നെ തങ്ങി നില്ക്കുകയാണ്.
അനാഥശാലയില് എല്ലാ സന്ദര്ശകര്ക്ക്
നേരെയും എടുക്കണേയെന്ന്
കൈകള് നീട്ടുന്ന കുഞ്ഞുങ്ങളെപ്പോലെ
ആരോരുമില്ലാത്ത അവരുടെ
നിഴലുകള്ക്കിയില് നിന്ന്
ഒന്ന് തേങ്ങിപ്പോകുന്നു
1 comment:
............
Post a Comment